Drapo peyi m - Germain

La connaissance, c'est de la richesse

Restez connecter avec nous sur les differentes plateformes a savoir instagram, twitter, youtube, facebook via le nom d'utlisateur: IstwaLakay

jeudi 9 juin 2011

Drapo peyi m


                                         

Drapo m se peyi m

M chita dèyè plim je m
Pou m gad jan blan je vèt ap souse peyi m
M kache dèyè fas mwen
Pou m gad eskanp figi drapo m
K’ap pèdi valè douvan lòt nasyon

Solèy la vomi fyèl drapo peyi m
Chak fwa gwo zotobre yo ap fè ti figi nan tan kwi
Kè Papa Desalin plen kou fan fanm gwos,
Kou kalbas,gonfle kou blad…
Podyab, li te goumen anven !

Nan tout pèp sou latè se nou ki pi reyisi
Nou rive konstwi Ayiti ak prela,tant aprè yon lane.
Drapo n flote pi wo nan ma labou.
Adye wi dan…
Premye repiblik nèg ki leve kanpe,
Koupe chenn nan pye, men ki maltrete.

Drapo m se peyi m
Ayiti se peyi n
Jouk ki lè n’ap fè yon chenn
Poun vanse nan yon sèl chimen
Jouk kilè n’ap sispann nan mouri èbo
Pou yon ti pòsyon nan bèchon jwaye.

Aucun commentaire:

Enregistrer un commentaire